Ѓурѓина Митревска
Во дигиталната ера, сѐ повеќе компании се свртуваат кон вештачката интелигенција за автоматизирање на процесите при вработување. Алатките познати како AI HR Tools веќе не се најава на иднината, туку реалност што го менува начинот на кој се селектираат кандидати – од автоматско скенирање на биографии, до видео-интервјуа што користат алгоритми за анализа на говор, изрази на лице и интонација. Овие системи често се претставуваат како објективни, брзи и непристрасни. Но, дали навистина е така?